أقتليني واكتبي فوق قبري ذاك خطاك

انت .. ياللّي بـك جـمال الكـون كلّه محـتـويك
والله انك لو طلبت القلب منّي قلت .. جاك
ولو طلبت العين هذي جات لك بالشوق ذيك
كلها جـاتك تسابق ياحبـيبي من غـلاااك
علميني وش خطاي .... دام قلبي مهتويك
وعلميني كيف اصـحـح هالخطايا ياملاك
هو خطاي اني احبك واعشقك وآموت فيك
او خطاي اني انا اللي باع عمره واشتراك
او خطاي اني رميت القلب في راحة يديك
او خطاي ان كل كلي يابعد رووحي فدااك
او خطاي اني غيور حتى من نفسي عليك
او خطاي اشتاق لك حتى لو جاالس معااك
علميني كيف صرتي في حياتي لي شريك
وعلميني ليه قلبي مايعيش الاا بهوااااااك
علميني ليه اشوف الموت من دونك واجيك
وعلميني ليه اشوف العمر من بعدك هلااك
مسأله صعبه واشوف ان الاجابه تعتليك
دوري عنها فديتك بأول وآخر مداااااااااك
دوري عن من تشوفينه بروحه يفتديك
دوري فـ الكون كلّه من هو يصبر في جفاك
وان لقيتي من يحبك كثر حبي من ذويك
اقتليني واكتبي من فوق قبري .. ذا خطاك